SEMPECTA

SEMPECTA

nomen in Ordine Benedictino seniroum sapientum Fratrum: maxime qui, quinquaginta annos in eo versati, hôc nomine ab omnibus onribus immunes erant, vide Regulam Ordinis c. 27. De iis Ingulfus p. 886. Quinuagenarius autem in ordine Sempecta vocandus, honestam cameram in infirmitorio de Prioris assignatione accipiat, habeatque Clericum seu gartionem suo servitio specialiter attendentem, qui exhibitionem Victualium recipiet de parte Abbatis, modô et mensurâ, quibus ministratur gartioni unius armigeri in Abbatis aula. Huic Sempectae unum fratrem iuniorem commensalem, tam pro iunioris disciplina, quam pro senioris solatio, Prior quottidie assignabit etc. Ex Graeco συμπαίκτης, collusor, quod istiusmodi senibus darentur συμπάικται, seu iuniores Monachi, qui iis ministrarent, et cum iis mensae assidendo, taedium illorum conversatione suâ dispungerent, ut ex hoc loco perspicuum est. Sed et συμπαίκτας huiusmodi seniorum Monachorum habet Palladius in Historia Lausiaca c. 24. et 83. quos priore locô Collusores vetus Interpres vertit. Ab Orientis Monachis desumptum morem, ipsum nomen innuit. Vide Car. du Fresne in Glossar. et infra Seniores.